《ᠨᠤᠮ ᠤᠨᠭᠰᠢᠬᠤ ᠠᠴᠠ ᠪᠢᠳᠡ ᠢᠵᠢᠯᠬᠡᠨ ᠶᠡᠭᠤ ᠶᠢ ᠬᠦᠷᠳᠡᠵᠦ ᠳᠡᠢᠯᠦᠬᠦ ᠪᠤᠢ︖ᠨᠡᠯᠦᠬᠡᠷ ᠶᠡᠬᠡ ᠨᠤᠮ ᠤᠨ ᠳᠠᠯᠠᠢ ᠳᠤ ᠴᠤᠴᠠᠯᠲᠠ ᠦᠬᠡᠢ ᠤᠮᠪᠠᠳᠠᠭ ᠯᠡ ᠪᠤᠯ ᠬᠡᠨ ᠬᠦᠮᠦᠨ ᠴᠦ ᠬᠠᠮᠢᠭᠠ ᠦᠬᠡᠢ᠂ᠡᠷᠳᠡᠮ ᠮᠡᠳᠡᠯᠬᠡ ᠪᠡᠷ ᠪᠡᠶᠡ ᠪᠡᠨ ᠴᠢᠮᠡᠬᠦ ᠨᠢ ᠯᠠᠪᠲᠠᠢ》ᠬᠡᠵᠦ ᠶᠠᠷᠢᠭᠰᠠᠨ ᠳᠦᠪ ᠲᠧᠯᠸᠢᠰ ᠬᠤᠷᠢᠶᠠᠨ ᠤ ᠬᠦᠳᠦᠯᠦᠭᠴᠢ ᠺᠠᠩ ᠾᠦᠢ ᠶᠢᠨ ᠶᠠᠷᠢᠶᠠ ᠨᠤᠮ ᠤᠨ ᠳᠤᠬᠠᠢ ᠶᠠᠷᠢᠯᠴᠠᠭᠠᠨ ᠤ ᠰᠠᠯᠬᠢ ᠶᠢ ᠬᠠᠭᠠᠯᠤᠯᠠ ᠃
5ᠰᠠᠷᠠ ᠶᠢᠨ 31 ᠦᠳᠡ ᠶᠢᠨ ᠬᠣᠢᠨᠠ ᠳᠦᠪ ᠲᠧᠯᠸᠢᠰ ᠬᠤᠷᠢᠶᠠᠨ ᠤ ᠯᠢ ᠰᠢᠦ ᠫᠢᠩ᠂ᠨᠠᠰᠤᠨ᠂ᠺᠠᠩ ᠾᠦᠢ᠂ᠾᠧ ᠶᠠᠨ ᠂ᠺᠧ᠂ ᠮᠢᠶᠤᠤ ᠺᠠᠢ ᠵᠡᠷᠬᠡ ᠨᠡᠷᠡᠳᠦ ᠬᠦᠳᠦᠯᠦᠭᠴᠢ ᠦᠪᠦᠷ ᠮᠤᠨᠭᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠳᠤ ᠢᠷᠡᠵᠦ᠂ᠦᠪᠦᠷ ᠮᠤᠨᠭᠭᠤᠯ ᠤᠨ《 ᠪᠦᠬᠦ ᠠᠷᠠᠳ ᠢᠶᠠᠷ ᠢᠶᠠᠨ ᠨᠤᠮ ᠤᠨᠭᠰᠢᠬᠤ》ᠨᠡᠢᠬᠡᠮ ᠦᠨ ᠠᠵᠢᠯᠯᠠᠭᠠ ᠳᠤ ᠤᠷᠤᠯᠴᠠᠵᠠᠢ᠃
ᠨᠡᠷᠡᠳᠦ ᠬᠦᠳᠦᠯᠦᠭᠴᠢᠳ ᠠᠬᠤᠢ ᠲᠠᠯᠠᠪᠠᠢ ᠶᠢᠨ ᠮᠢᠨᠭᠭᠠᠳ ᠤᠶᠤᠳᠠᠳ ᠲᠠᠢ ᠨᠤᠮ ᠤᠨᠭᠰᠢᠬᠤ ᠳᠤᠬᠠᠢ ᠰᠠᠨᠠᠭᠠ ᠪᠤᠳᠤᠯ ᠢᠶᠠᠨ ᠰᠤᠯᠢᠯᠴᠠᠬᠤ ᠶᠢᠨ ᠳᠠᠭᠤ ᠦᠪᠡᠷᠰᠡᠳ ᠦᠨ ᠢᠶᠡᠨ ᠨᠤᠮ ᠤᠨᠭᠰᠢᠭᠰᠠᠨ ᠦᠨᠭᠬᠡᠷᠡᠯᠲᠡ᠂ᠳᠦᠷᠦᠭᠳᠡᠯ ᠢᠶᠡᠨ ᠬᠤᠪᠢᠶᠠᠯᠴᠠᠬᠤ ᠪᠠᠷ ᠳᠠᠮᠵᠢᠨ ᠪᠦᠬᠦ ᠠᠷᠠᠳ ᠢᠶᠠᠷ ᠢᠶᠠᠨ ᠨᠤᠮ ᠤᠨᠭᠰᠢᠬᠤ ᠳᠠᠳᠬᠠᠯ ᠲᠠᠢ ᠪᠤᠯᠬᠤ ᠶᠢᠨ ᠬᠦᠰᠡᠯᠡ᠃